Æ Kjú
sunnudagur, september 30, 2007
Ójá.. mér tókst það !!
Kvöl og pína
föstudagur, september 28, 2007
Ég þori að fullvissa mig um það að kvöl og pína hvers bloggara sé að líta yfir farinn og veg og lesa gamlar færslur eftir sig sjálfan, eflaust ekki ósvipað og að rekast á gamlar fermingamyndir af sér inn í geymslu.
En þar sem það er ekkert mál að rífa gömlu fermingamyndirnar og henda (eða jafnvel brenna) er það aftur á móti ekki eins farið með gömlu færslurnar þar sem þær liggja á netinu.
Málið er að allar gömlu færslurnar voru eiginlega horfnar, en mér tókst að endurheimta þær eftir smávægilega aðgerð.
Svo núna er ég búinn að vera að renna í gegnum þetta, brosandi út í annað en þess á milli með hroðalegan aumingjahroll því margt hefur breyst á tæpum 4 árum.
Langar að búa til smá lista með hinum og þessum færslum
Átti í löngu samtali við Gunnar Óla vin minn, m.a. um hvað við höfðum eiginlega verið að gera í FB, held að ég sé kominn með svarið við því
Skelfilegasta tímabil lífs míns, tók þá fáranlegu ákvörðun að vinna í heilan mánuð án þess að taka mér eitt einasta frí, 12 tímavinnudagur á frekar leiðinlegum vinnustað, útborgun: c.a. 200þús.
Skemmtileg færsla en botninn á henni er hörmung, langar mikið að stroka hann út..
Þegar Hannes flutti heim frá fjölskyldu sinni í Svíþjóð og tók við nýja húsinu þeirra algerlega strípuðu að innan héldum við party þar í viku.
Ohh, og tímabilið þar sem við félagarnir fengum þá hugmynd að fara stunda sólbaðsstofur
Það leið ekki sá mánuður án þess að Óli klessti á og ég tók þ.a.l. snemma upp á því að rissa upp skýringamyndir af aðstæðum árekstursins og pósta á bloggið auk frásagnarinnar einnig hér og örugglega mun fleiri
Áður en ég frelaðist og skipti yfir í betra liðið
Byrjunin á ferð sem gleymist seint
Enn ein vísbendingin á því hvað maður gerði á framhaldskólaárunum
The Pianist
miðvikudagur, september 26, 2007
Ég var ekki lengi að "pikka upp" byrjun lags með Spilverkinu á nýja píanóið skömmu eftir að það flutti inn til okkar fyrir fáeinum vikum síðan.
En sumir fjölskyldumeðlimir voru samt ekki á sama máli og ég að þessi lagabútur væri rétt spilaður og var ég umsvifalaust sendur til píanókennara.
Svo ég er að fara í minn fyrsta píanótíma á föstudaginn kl 1430 til hennar Sólborgar, lesendum síðunnar er velkomið að leggjast við hlustir á hurð Listaháskólans.
Vandræði og vesen
þriðjudagur, september 25, 2007
Blogger með allt sitt hafurtask var á góðri leið með það að gera mig bandbrjálaðan í gær og í dag !
Þannig er mál með vexti að ég er með hann tengdan við heimasvæðið mitt út í skóla, en svo allt í einu gafst hann hreinlega upp.
Búinn að fara margsinnis yfir stillingarnar bæði mín megin og skólamegin, en ekkert gengur. Hefur verið að hrjá fleiri sýnist mér en enginn hefur lausn og tæknimenn Blogger svara engu. En svo virðist sem þetta hefur komist í lag hjá fólki eftir einhvern ákveðin tíma, en þar sem ég þarf auðvitað að láta fjölskyldu mína, hér sem og erlendis vita af gangi mála og flytja þeim fréttir af okkur unga parinu get ég ekki annað en opnað tímabundið hér á gamla svæðinu.
Útvarp allra landsmanna
Og þá er það komið í hús !
Útvarpið úr Hlaðhömrum 5 sem ég hef svo lengi þráð að eignast.
Síðan við Björg byrjuðum saman hef ég alltaf verið svo heillaður af sturtuútvarpinu heima hjá tengdaforeldrum mínum, þvílíkt tæki og þvílíkur lúxus að getað hlustað á 07 fréttirnar áður en maður tekst á við daginn í sturtunni, á meðan sparar maður bæði tíma og peninga.
Málið var að fjölskyldan var að fá sér enn betra útvarp í sturtuna, að ég held í stereo og með innfelldum sápuskammtara, sem þau keyptu í BNA fyrir skömmu.
Þá er það bara spegill á sogskál sem mér hefur ekki enn tekist að finna, og "voilla" ég flyt lögheimili mitt inn í Klefann !
Einn og yfirgefinn (Taka2)
föstudagur, september 21, 2007
Nú er mamma farin út ásamt 90 konum til Mónakó. Svo við feðgarnir erum einir heima. Ætlum að borða eitthvað saman í kvöld og e.t.v. að horfa á einhverja hörku spennandi hasarmynd...
Mikið svakalega verður kósý hjá okkur
Annars bauð ég Óla yfir í gær þar sem hann strauk að heiman eftir að íbúðin hans fylltist af stelpum. Vorum ekki lengi að háma í okkur hammara, franskar og bearnes !
Endurminningaoverload
miðvikudagur, september 19, 2007
Fyrir hálfum mánuði héldum við strákarnir eitt stk góðan endurfund. En það sem hefur einkennt þessa skemmtilegu endurfundi er það að við höfum oftar en ekki sett af stað slideshow sem inniheldur slatta af gömlum og góðum myndum, en þar sem við eigum ekki alveg nógu mikið af myndum inn á lager hjá okkur ákváðum við Hannes að taka þetta skrefinu lengra og afla okkur fleiri mynda með öllum tiltækum ráðum.
Útkoman var 400 gamlar myndir sem m.a. komu úr albúmum hinna og þessa og einnig slatti úr Miðbergi.
Þessum blessuðu myndum ákvað ég svo að skella barasta á netið.
Einn og yfirgefinn
þriðjudagur, september 18, 2007
Í nótt skutlaði ég Björgu á bílaplan MH þar sem hún hoppaði upp í rútu sem skutlaði Hamrahlíðakórnum til Keflavíkur þaðan sem þau héldu svo áleiðis til Kína.
Í kvöld ætla ég svo að skella mér í mat í T34 og hjálpa þeim hjónum við ýmislegt, s.s. að bera ofn ofl.
En í gærkvöldi var vinnufundur í vinnunni okkar, átti að vera rólegheitarfundur á Rossopomodoro. En þegar við mættum á staðinn beið okkar rúta sem fór með okkur í koktailboð til yfirmannsins og svo út að borða eftir á.
Rosastuð, en svolítið erfitt að vakna kl 05 í nótt.
Guys Night Out Ultimate Edition
sunnudagur, september 16, 2007
Myndir komnar inn frá laugardagskvöldinu 8. sept þegar við strákarnir hittumst í frábæran mat, í þvílíkar veigar og slideshow sem innbyrgði yfir 800 myndir sem við komumst yfir á allskyns stöðum, m.a. Miðbergi, heima hjá Stellu og myndasafni okkar sjálfra.
Nennti ekki að ritskoða þetta svo ég læt allt flakka..
Mikið gaman, mikið grín...
föstudagur, september 14, 2007
Búið að vera allt brjálað að gera í skólanum hjá mér upp á síðkastið, 3 verkefnaskil í kringum helgina og ég búinn að vera út í skóla til kl 23 - 00 á kvöldin síðan á mánudag.
Annars hef ég verið að spá í því upp á síðakastið að hoppa yfir í kerfisfræði, þ.e. að segja þetta gott með lokaverkefni áramótin 08 - 09. En það kemur allt í ljós. Kannski um stutt stundarleiðindi að ræða ?
Björg fer svo út til Kína á þriðjudaginn, þ.a.l. þarf ég að fara lifa á pylsum, örbylgjupístum og láta bjóða mér í mat í rúmar 2 vikur..
Myndirnar frá laugardagskvöldinu fara að detta inn, eða um leið og ég finn einhverja stutta tímaaflögu. Grunar samt að kvöldið í kvöld komi vel til greina.
Og meðan ég man, þá er ekki langt í orkubókina mína !
Fáviti forever !
þriðjudagur, september 11, 2007
Bauð félögum mínum í ógleymanlegan hitting á laugardagskvöldið, við Óli vorum mættir upp úr 14 eftir góða ferð úr Ríkinu og Bónus með fulla poka af mat og veigum, byrjuðum við að elda og gera klárt.
Mín ástkæra Björg var svo góð að sjá um eftirréttinn, þar sem hún var á annað borð að fá sópransystur sínar í kaffi á sunnudaginn, skellti hún í tvær súkkulaði - ostkökur, eina handa okkur og aðra handa systrunum.
Þegar leið á kvöldið, við búnir að borða yfir okkur af fylltum bringum og víni var komið að ostakökunni, og athugið, að hin ostakakan (sem var nákvæmlega eins og sú sem var í boði þegar hér er komið við sögu) er inni í ískáp.
Vegna mikillar seddu kláraðist kakan ekki alveg, þ.e. c.a. 1/6 var eftir af henni.
Þegar Björg staulast svo fram úr daginn eftir til þess að líta inn í ískáp vakna ég við óp og ýmis blótsyrði sem ég hélt að væru hreinlega ekki til í orðaforða ástkonu minnar.
Rannsóknin er á frumstigi og ég lýsi hér með eftir vitnum og vísifingri;
Nýr fjölskyldumeðlimur
mánudagur, september 10, 2007
Hugsa að nú getum við íbúarnir í Skipholtinu kallað okkur fjölskyldu því í dag birtist nýr fjölskyldumeðlimur.
Hann er svartur, kallar sig Samick og lítur einhvernveginn svona út..
Svo er Björg mín byrjuð að blogga (Taka tvö), systur minnar eflaust til mikillar hamingju !
Músík í partyi
laugardagur, september 08, 2007
Hér hægra megin á síðunni er hægt að skoða það sem verið er að hlusta á í partyinu...
Klikkuð stemmning !
Mamma og pápi
föstudagur, september 07, 2007
Eins árs brúðkaupsafmæli hjá foreldrum mínum í dag !
Hringdum í pabba í dag og ætluðum að bjóða þeim hjónum í mat, en þá var hann út í búð að versla eitthvað rómó til þess að geta eldað handa sinni í kvöld, náði það ekki lengra.
Innilega til lukku með þetta elsku og bestu foreldrar.
FB
miðvikudagur, september 05, 2007
Freyja Björk, litla frænka mín, er byrjuð að labba !
En þar sem fjölskyldan er úti í Svíþjóð þurfum við sem heima sitjum að fylgjast með í tölvunum okkar (þökk sé nútíma tækni(og e.t.v. Google)).
Hér er hægt að sjá hana taka allra fyrstu skrefin, og hér er hægt að sjá hana eftir rúma viku..
Þvílíkar framfarir !
Törn
sunnudagur, september 02, 2007
Ekki amalegt það að vinna 27 tíma vinnuhelgi og reyna klára skilaverkefni í stærðfræðigreiningu um leið, en mér sýnist mér ætla að takast það...
