mánudagur, maí 31, 2004
telly\\\
Ætla að fá mér nýtt sjónvarp í sumar því gamla philipssjónvarpið mitt gaf sig rétt fyrir Eurovision. Svo er spurning um að fá mér sjónvarpskort í vélina. Efast samt um að ég nenni alltaf að hanga fyrir framan tölvuskjáinn þegar ég horfi á sjónvarpið þó svo að sá kostur margborgi sig.
En talandi um sjónvarp þá get ég ekki beðið eftir að Shield byrji aftur. Og hvað er málið með að sýna Curb Your Entusiasm kl. 12 að hádegi ? Er það ekki nágrannatími ?
Annars er það bíó í kvöld, ætlum nokkrir á Ekki á morgun heldur hinn.
Elska stórslysamyndir svo spennan er í algleymingi hérna megin.
sunnudagur, maí 30, 2004
BBQ\\\
Var með þetta svakalega BBQ í gær. Kjúklingabringur á boðstólnum í boði Abbýar og Óla, Lambakjöt, koníakslegið, í boða Gumma. Guðni, Guðrún og GunniOl buðu ekki á neitt heldur steiktu sér hamborgara á pönnunni inní eldhúsi, afar gourmet.
Partydýrið mætti svo rétt eftir matinn og kom liðinu í rétta gírinn.
Sátum út á grasbala mest allt kvöldið. Ég og Abbý byrjuðum eitthvað að metast um hvort okkar gæti gert flottara handahlaup.
Ég tek þetta fína handahlaup enda gamall fimlekastrákur. Abbý tekur svo þetta svaka tilhlaup, nema hvað að í miðju handahlaupinu heyrist undarlegt hljóð. Eftir situr Abbý í hláturkasti í kloflausum buxum. Hló mig máttlausan.
Fórum í bæinn á endanum ég, Egill, Gunni og Steini. Hittum Adda á Kofanum, frekar furðuleg stemmning þar.
Þaðan á Sólon þar sem ég týndi Gunna, vissi að hann var nánast auralaus. En maðurinn er meistari í að redda sér heim. Gleymi því aldrei þegar hann fékk far hjá stórskrítnum Úkraínumanni úti á Portúgal hér um árið þegar hann hafði týnst u.þ.b. 80km frá hótelinu okkar.
Vaknaði svo hrillilega þunnur og veikur í morgun, byrjaði að skvera íbúðina því gamla hyskið er kemur í kvöld.
fimmtudagur, maí 27, 2004
Seinfeld\\\
Það er seinfeldvika hjá mér, búinn að ná mér í hina og þessa þætti og horfa á fyrir svefninn. Á oft hálferfitt með að sofna vegna hlátraskalla í sjálfum mér.
Er einhver klár á hvernig hægt er að kaupa glatað hjól af löggunni ?
Vantar svo gamalt BMXhjól, eða einfallt freestyle.
þriðjudagur, maí 25, 2004
aðgerðaleysi\\\
Tveggja daga frí afstaðið, fer í vinnuna í fyrramálið, guði sé lof.
Mannskemmandi þegar innivera verður of mikil.
Er að spá í að kaupa mér Freestylehjól þegar ég fæ útborgað næstu mánaðamót því einhvernveginn verð ég að komast í vinnuna auk þess hefur mig alltaf langað að fá mér eitt stykki síðan ég braut gamla hjólið mitt 96'.
Búinn að vera í hjólabrettafíling í dag, náði mér í ZEROmyndbandið Misled Youth og rifjaði upp hjólabrettaárið/in mitt/mín, þegar ég vaknaði kl 14, skellti mér út ásamt strákunum og skeitaði langt fram a kvöld. Þegar mér var hent útúr Albertsons á Florida, þegar við lokuðumst inni í bílageymslu Seðlabankans og þegar ég fékk skurðinn á olnbogann eftir að hafa reynt að taka kickflipp yfir heljarinnar ræsi á bílastæðinu fyrir utan hótelið okkar á Florida.
mánudagur, maí 24, 2004
Chemminn\\\
Skellti Dig your own hole í græjurnar upp í vinnu, kom svo heim, skellti Exit Planet Dust í Walkmaninn þegar ég fór út að skokka, fór í bað og setti Surrender í spilarann.
Er ekki frá því að ég sé að komast á enn eitt ChemicalBrothersLóðarí.
Fáranlega góð tónlist og ekki eru plötuumslögin mikið síðri.
<1><2><3><4><5>
laugardagur, maí 22, 2004
# 472\\\
Aldeilis hvað þetta nýja bloggerkerfi býður upp á marga möguleika, núna get ég séð hve margar færslur ég hef postað frá upphafi, hve mörg orð ég hef skrifað og ég veit ekki hvað og hvað ?
Afhverju hætta þeir ekki þessu bulli og byrja að bjóða upp á SMS/MMSblog ?
Stúdentspartyið hans Gumma heppnaðist mjög vel, var mættur þarna eftir erfiðan vinnudag og beið mín þá ískaldur bjór og tunna af rauðvíni,lofaði Þóru mömmu Gumma að ég myndi standa mig vel við að "hreinsa" af dekkuðu borðinu sem ég og gerði. Át á mig gat af kokteilmat. (sem ég var viss um að væri ekki hægt)
fimmtudagur, maí 20, 2004
vinna, vinna, villtu minna ?\\\
Vaknaði úr þessu svakalega roti í morgun, held að ég hafi ekki sofið eins fast í langan tíma, sannkallað kóma. Mætti klst. of seint en náði að redda mér úr leiðindum með því að segja að ég hafi fengið vitlausar upplýsingar um mætingu í dag. Kom svo heim áðan allur lurkum laminn, er algerlega máttlaus og er við það að rotast aftur.
Náði svo ekki að redda mér fríi á morgun sem þýðir að ég næ ekki að líta við í útskriftaveisluna hjá GummaPáls á morgun, geri bara gott úr því og mæti eldhress í cocktailveisluna sem hann ætlar að halda um kvöldið.
Farinn að kvíða sumarrútínunni: vinna, borða, sofa, vinna, sofa, borða o.s.f.v.
miðvikudagur, maí 19, 2004
Ch-Check it out\\\
Búinn að vera hita mig eilítið upp fyrir nýju Beastie Boys plötuna, kemur víst í lok þessa mánaðar. Held að ég kaupi mér gripinn enda á ég allt safnið fyrir óbrennt.
Paul's Boutique er fastur í spilaranum þessa dagana enda DustBrothers sem sjá um pródúseringar. Mæli með fyrir þá sem ætla sér í smá upphitun að ná sér í lagið Hey Ladies af fyrrgreindri plötu.
þriðjudagur, maí 18, 2004
no can do\\\
Byrja líklegast að vinna seinnipartinn í þessari viku, bara svo langt frá því að nenna því. Seinustu tveir dagar hafa farið í að ná sér eftir átök helgarinnar með videoglápi og inniveru í miklu mæli.
Er búinn að koma mér vel fyrir og er við það að skella Scarface í tækið, langt síðan seinast.
7 HIMINN\\\
Hoppaði hæð mína í lofti eftir að ég hitti Erling umsjónakennara í morgun, var þá ósofinn og tuskulegur eftir nóttina, gat ekki sofið boffs vegna kvíða. Var 100% að ég hafði fallið á önn.
Nema hvað..
Við erum að tala um að ég náði öllu og fékk 7 í íslensku.
Geri aðrir betur ?!
sunnudagur, maí 16, 2004
Guðjón í OZ? Nei Gunni í Ol\\\
Vægast sagt skrautleg helgi. Löggðum í hann uppúr 16leitið á bílnum hans Óla austur fyrir fjall. Tókum okkur góðan tíma í þetta, komum við á Selfoss og keyptum á grillið.
Vorum búin að koma okkur fyrir í bústaðnum á slaginu 18. Gunni hafði tekið með sér þetta fína læri sem við grilluðum, vorum þó ekki alveg viss með eldunaraðferðina á þessu svo Gunni sá algjörlega um þetta. Maðurinn var svo orðinn frekar drukkinn og byrjaður að snúa lærinu of oft, álpappírinn byrjaði að rifna af kjötinu og á endanum urðum við að taka það af. Gátum svo aðeins borðað yrsta lag lærisins. Sannarlega Maximum Rare Gourmet.
Afmælið heppnaðist svo drulluvel og sér nú Þórdís Nadia um þann pakka sem hægt er að renna yfir hér.
Daginn eftir hélt ég til Abbýar í Eurovisionparty, gífurleg stemmning á þeim bænum. Fylgdist lítið sem ekkert með keppninni sjálfri. Dönsuðum nokkur við FutureShock með Herbie Hancock í stað þess að horfa á úrslitin. Langt síðan ég hef dansað svona mikið.
Búinn að sofa í allan dag, vinnan byrjar einhverntíma í næstu viku svo það er um að gera að njóta frísins sem best.
fimmtudagur, maí 13, 2004
truflun\\\
Skellti mér upp í vinnu um 2100leitið í gærkvöldi og ætlaði að ná góðri skorpu í þýskunni svona rétt fyrir svefninn en lítið varð úr þeim áformum, GunnOl hringdi í mig og tjáði mér það að hann ætti eftir að biðja um leyfi fyrir bústaðnum sem er ekki nógu gott, enda tók ég mér góðan tíma í að fussa og sveija yfr þessu. Fékk svo skömmu seinna símtal frá ungri dömu sem hringdi neðan úr bæ aðeins til þess að segja mér frá því hve mikið henni væri mál að pissa, stórskemmtilegt símtal en þó er eitthvað sem segir mér að hún hafi verið í annarlegu ástandi.
Ég veit þá hverjum er um að kenna ef ég fell í þýskunni enn einu sinni ;)
miðvikudagur, maí 12, 2004
allt að koma\\\
c.a. 16 klst. þar til ég er búinn í þessari blessuðu prófavertíð.
Strax eftir próf þýt ég út á hárgreiðslustofu í höfuðsnyrtingu, kaupi eitt stk. afmælisgjöf og næ mér í meiri pening því helgin er framundan og það súperhelgi, ef ekki súperdúperhelgi.
Afmæli á föstudaginn, party á laugardaginn og eitthvað sniðugt á sunnudaginn. Lítur allavegana þónokkuð vel út.
Er ekki frá því að ég sé byrjaður að finna grilllykt nú þegar.
þriðjudagur, maí 11, 2004
diskó friskó\\\
Búið að vera heilmikill diskófílingur í mér þegar líður að próflokum, Þú og Ég platan Ljúfa Líf hefur verið að gera allt vitlaust auk þess að ég festi kaup á nýjasta eintaki Goldfrapp í fyrradag. Lá svo mikið á að kaupa mér gripinn að ég nennti ekki einu sinni að bíða eftir að ná mér í hann á netinu gjaldfrjálst.
költjúr\\\
Veit ekki hvað hljóp í föður minn í gær en skyndilega dró hann mig með sér í niður í Háskólabíó á Heimildamyndina Touching the void. Erum vanir að sjá einhverjar amerískar hasarmyndarullur. Annars var þetta meiriháttar góð mynd sem skilur heilan helling eftir sig. Ótrúlegt að mönnum detti í hug að fara í fjallgöngu ?
laugardagur, maí 08, 2004
Addi Fannar - update\\\
Arnar Ingi Viðarsson, stórmenni með meiru varð 20 í dag !
Næstir í röðinni eru Pétur Örn, GunniOl og loks Heiða Millý, reynið nú að muna þetta með mér.
lítið sem ekkert\\\
Vinna, vinna og aftur vinna þessa helgina.
Próflestur í þriðja veldi alla næstu viku.
Fimmtudagur: BBQ og bjór kl. 17. strax eftir próf.
Helgin: algerlega óráðin, þó hef ég grun um einhver góð sniðuglegheit.
föstudagur, maí 07, 2004
geðveila\\\
Hvað ætli fái menn til þess að stafla allsberum, írönskum föngum upp í pýramída ?
miðvikudagur, maí 05, 2004
tónlistanotkun\\\
Fyrir svefninn:
Í próflestri:
Í bílnum:
Írónía\\\
Fyndið að þessar auglýsingar séu á öllum folk.is síðunum
...stórefa það að einhver eigi eftir að smella
þriðjudagur, maí 04, 2004
íslenska\\\
Gekk svo vel í íslensku í dag að ég ætla að birta ferskeytlu. Hvað ætli hafi orðið um "kveðast á keppnina" sem átti alltaf að verða háð á netinu milli mín og Vals hér um árið ?
Að standa sig á prófi er nú gaman,
þá sérstaklega í íslensku og ensku,
tekuru hjól að aftan eða framan?
Eða hættiru þér í voða og bersku?
mánudagur, maí 03, 2004
Læra, Lára, Læra\\\
Held að ég sé orðinn séni í íslenskum bókmenntum. Er við það að lesa yfir mig þessa dagana.
Var í hópi þeirra 500 nemenda sem þreyttu samræmt stúdentspróf í morgun, má segja að þetta hafi verið eitt það leiðinlegasta próf sem ég hef tekið. Málið er að maður getur tæknilega séð ekki fallið því lægsta einkunnin er 4,0. Svo að ef ég hefði skilað inn auðu hefði ég samt fengið 4,0 sem er já, heldur fáranlegt.
Íslenska á morgun, þá aðeins tvö próf til stefnu, vinna næstu helgi og helgina þar á eftir bölhyggja og bóhemismi í sumarbústað GunnaOl, takk fyrir það !
sunnudagur, maí 02, 2004
ungur og vitlaus\\\
Að hugsa sér, þetta var einu sinni bannerinn á síðunni minni.
laugardagur, maí 01, 2004
líkt og, eins og, sem\\\
Er búinn að vera stúdera íslenskar bókmenntir seinustu 3 daga og hef svona ágætlega gaman að.
Í dag var Súsanna vinkona búin að brjóta sér leið í gegnum varnarvegg blogger.com, inn á minn account og posta færslu sem var eitthvað á þá leið að ég væri kominn úr skápnum, gaman gaman og sniðugur brandari þar á ferð. Nema hvað, að þegar ég sé þessa færslu í morgun sá ég ekki betur en að einhver hafði gefið komment á færsluna og það ekkert smá komment. Maðurinn vildi láta kalla sig "The gay which think you're cute" og skrifaði eftirfarandi: "oo.. ég skil þig svooo vel! ég skal hringja í þig í kvöld." Svo núna bíð ég eftir að einhver einmanna sál hringi, skræki í eyrað á mér "neeeeii hææ esskan" og bjóðist til þess að kíkja yfir í kaffi.
Held að þú getir byrjað að fara með bænir súsanna mín því þú átt ekki mikið eftir ólifað.