föstudagur, maí 30, 2003
Góða helgi Helgi\\\
Nú helgin er bara framundan,
þurrleiki og gaman,
elda hrísgrjón og lundann,
hver er rauður í framan ?
Þessi vísa var samin í svefnleysisvímu eins og sést svo ég afsaka hrynjandann og allar hinar vitleysurnar...
fimmtudagur, maí 29, 2003
\\\
Fyrirsögnin hér að ofan segir allt sem segja þarf... Ekki baun í bala hægt að gera á degi sem þessum. Ætlaði að athuga orlofið mitt en nei, allt lokað. Sletti þó ærlega úr klaufunum og lap (er að meina þátíðina af sögninni lepja) ís ásamt Gumma í sumarsólinni líkt og margir aðrir. Byrja að vinna á sunnudag, guð sé lof. Skyndihjálpanámskeið á morgun kl. 0900 og um að gera að koma sólarhringnum á gott ról svo maður geti vaknað á skikkanlegum tíma.
Vóóó... svo er föstudagur á morgun sem þýðir ferskeitla um edrúisma...verið rétt stillt.
miðvikudagur, maí 28, 2003
Plögg eða bögg\\\
Droplaugin er núna öll, tvístraðist á gær er Súsanna, annar helmingur Droplaugarinnar, gerði sér lítið fyrir, sagði upp og bjó sér til nýja síðu. Gaman að sjá hvað verður úr þessum breytingum... man nú þegar ég bjó til þessa fínu síðu á sínum tíma og jú, fattaði uppá nafninu líka. Annars ætlar Valur að heyja stríð gegn commentahryðjuverkamönnum á næstu dögum og veistu Valur, ég býð fram mína liðveislu.
mánudagur, maí 26, 2003
Aðgerðaleysi\\\
Þegar lítið sem ekkert að gera hjá manni er alltaf gott að dunda sér við það að ná í góða tóna... Skellti mér á WARPrecords eða leibúlið sem gefur út Aphexinn og alla hina kappana og já, tölvan er yfirfull af góðum tónum. Hef aðalega verið með fókusinn á bandi sem kallar sig Seefeel en það uppgvötaði ég er við Árni settumst niður í 12tónum og hlustuðum á nýjasta stykki Aphexins, 26 mixes for cash og sötruðum expressó með. Annars er þessi síða WARPmanna sjúkleg, flashið í algleymingi og vídjóverkin öll til sýnis og eru þau einnig afbragð góð !
Flashback\\\
Skoðaði fyrstu færslu síðunnar og mundi þá að Gunnar Óli Gunnarsson byrjaði með mér í þessu öllu saman með þessari síðu. Ég krefst þess að fá GunnaOl aftur í bloggheima enda um að ræða afbragðspenna og hugmyndasmið mikinn...!
...undirskriftalisti fer að ganga út á næstu dögum
sunnudagur, maí 25, 2003
...ég er að segja þér það\\\
Mikið húllumhæ hér í kvöld, dreginn í þetta svakalega fjölskyldugarðsparty... og jú, mikið gaman og mikið grín. Hitti hina alræmdu kúlista og úff, þeir voru mjög svo hressir. Skellti mér á gott og gilt trúnó og náði að útkljá ýmis mál...gott gott ! Hoppaði oní bæ, fór á Prikið ásamt Ólöfu og já, gott trúnó þar...fínt fínt ! Hitti þar Þorbjörgu...og já glæsilegt glæsilegt ! endaði inná Select ásamt súsönnu og þaðan inná lokaáfangastaðinn Svanhvít...gaman gaman ! Og hér er ég...bloggandi...Góða nótt góðir hálsar...
Kvöldið í kvöld fær 3 og hálfan af 5...kynntist góðu fólki...takk takk...+ það þá er ég nýklipptur Hey Hey !
laugardagur, maí 24, 2003
valurg.net/gissur\\\
Þá er eitt kvöld afstaðið og enn eitt kvöldið eftir, skellti mér í útskriftina til Vals og Gissa í gær og já, skemmti mér svona assgoddi vel. Gott fólk saman komið og þar af leiðandi mjög svo góð stemmning... Gjöfin sem gefin var var heldur ekki af verri endanum, við Sjússanna keyptum þennan fína lampa eftir mikið þras. En í kvöld er Júrívissjón og ekkert ákveðið en ykkur er velkomið að skjóta inn partytilboðum í kommentakerfi síðunnar !
Valur, ég þakka fyrir mig og skýt á þig nýjum fyrripart í kvöld...!
fimmtudagur, maí 22, 2003
KVEÐSKAPARKEPPNIN ER HAFIN\\\
Við Valur stöndum ávallt við okkar orð, Kveðskaparkeppnin er hafin og hér ætla ég að skjóta fram fyrsta fyrripartnum...
Útskriftir og afmæli
einkenna þennan mánuð
Gangi þér vel með þennan Valur minn...
Heim sætt heim\\\
Er ekki frá því að maður var byrjaður að hlakka til heimkomunar þarna í restina, N.Y. er ekkert sérlega sniðug borg, einkennist af miklum hraða og stressi... held að maður yrði algerlega sturlaður ef maður myndi verða þarna í lengri tíma en viku..svo þið sem stefnið á að heimsækja Eplið stóra...kaupið ykkur helgarferð ! Hápunktur ferðarinnar var þó þegar hausinn á mér birtist á aðalsjónvarpsskjánum á TimeSquere, skjárinn er í eigu stærsta banka Bandaríkjanna og var túristunum boðið að láta smella mynd af sér þarna inn. Aldrei að vita hvort ég smelli inn vídjóbútnum inn einhventímann við tækifæri...
Ég er allaveana farinn í háttinn, þotuþreytan að drepa mig...
mánudagur, maí 19, 2003
I am New York\\\
Gaman ad segja fra thvi ad nu eru menn staddir a Time Squere... Var ad enda vid ad lata birta mynd af mer a einu skiltinu tharna !! Ekki amalegt thad.. En eg verd kominn a midvikud.
Litil astaeda a byrja orvaenta krakkar minir...Binninn verdur kominn fra landi taekifaerana a midvikudag med gjafir og gotteri.
sunnudagur, maí 18, 2003
ein minuta eftirIII
er i ny hae hae !!
föstudagur, maí 16, 2003
Big Apple\\\
Ójáá, ég er fara til NewYork á morgun... Pabbi ákvað að bjóða mér með sér í gærkvöldi, er að fara í einhverja viðskiptaferð og ákvað að taka litla strákinn með. Þvílík og önnur eins tilhlökkun...skjótumst samt bara í smá hopp og verðum komnir til baka á miðvikudagsmorguninn.
Wallstreet, Broadway og Donald Trump...hér kem ég !
Föstudagsferskeytlan\\\
Vísan að þessu sinni var samin á Hverfisbarnum þar sem skemmtikvöld Sjálfstæðismanna var haldið kvöldið fyrir kosningarnar.
Valur kemur með þessa fína en strembna fyrripart
Sitjum hér á Hverfisbarnum,
Sjálfstæðisflokkurinn bíður bjór...
Ég botna svo ansi skemmtilega og þó með hjálp Heiðu
...HEY, hver kveikti á ansans arnum ?
þessi flokkur er ansi sljór.
Eins og gefur að skilja voru menn orðnir ansi ölærir á þessum tíma, en það er bara skemmtilegra !
Fundur er settur\\\
Í kvöld lét ég mata mig af tónlist og kaffi, bauð þeim GunnaOl og Árna yfir í kjallarann þar sem fram fór þessi rosalega tónlistakynning. Árni kom með Violent Femmes og BeachBoys á meðan GunniOl mætti vopnaður DavidBowie. Diskarnir látnir svo rúlla í rólegheitunum meðan kaffið hans Árna var drukkið af alefli enda eðalblanda þar á ferð... Stopp á Select sló svo botninn í þetta allt saman, stjórnmálalegar umræður tóku svo við meðan pylsan var snædd þar sem Guðni og "míkrafónamaðurinn" bættust í hópinn.
Já það er vonandi að þetta verði gert að vikulegum viðburði...
fimmtudagur, maí 15, 2003
Done\finito\búinn\\\
Ekki amaleg tilfinning að labba úr seinasta prófinu útí 10°hita og glampandi sólskin. Já tilfinningin er góð, sumarið komið og helgin bíður fersk eftir manni... Morgundagurinn óráðinn en afmælisboð á laugardag svo þetta lítur bara nokkuð vel út. Kveðskaparkeppni okkar Vals er á næsta leyti, keppnin verður stafræn og afköstin birt á annari hvorri síðunni...svo ekki fara langt...! En nú fer stofnfundur menninga - og músíksfélags Reykjavíkur og nágrennis að hefjast svo ég er farinn...
miðvikudagur, maí 14, 2003
Vúúhaa...\\\
Í dag hef ég notið þess að læra svo undarlegt megi virðast, tilhlökkunin hefur einfaldlega tekið yfir prófkvíðann en minniháttar veikindi hafa verið að leika mig grátt. Dagskráin er þétt á morgun, veseningur fyrir ömmu gömlu, smá dúttl við að skanna nokkrar myndir fyrir Þórdísi, stofnfundur Menningar - og Músíksfélagsins og loks afslöppun mikil sem verður svo mikil að hún gæti tekið á !! Skilríkjavandinn er ekki enn leystur og hef ég hugsað mér að gerast ansi rótækur ef hann reddast ekki bráðlega... Minni svo kvennþjóð FB á að fara hysja upp um sig buxurnar því það er comeback hjá Iródinni næstu önn.
Betra Breiðholt, betra líf\\\
Um helgina verður undirritaður stærðarinnar friðarsáttmáli milli helstu hverfa Breiðholtsins, umræðan í kommentakerfi Elvars kom þessu öllu af stað og sýnist mér allt vera komið á húrrandi sving í þeim málum. Mikil óróleiki hefur ríkt milli hverfanna í gegnum árin og er nú kominn tími á að sú spenna hætti... Fulltrúar helstu hverfanna munu saman koma næstkomandi helgi og skrifa undir samninginn góða.
Gerum Breiðholtið betra, stöðvum ofbeldið...!
mánudagur, maí 12, 2003
Tilhlökkun mikil\\\
Ekki nema eitt próf eftir og ég rýk út í sumarfrí sem mun einkennast af mikilli peningaeyðslu, skemmtilegheitum og afslöppun. Íslenskan var tekin með trompi í morgun (vona það allavegana) og er það ansans náttúrufræðin sem er næst á dagskránni. Svo er stefnan sett hátt næstu helgi, heyrst hefur að menn verði öllu fyllri en þessa helgina þ.e.a.s. að fleiri sögur fara á kreik og fólk sem ekki kemur með verður því að fara nota ímyndunaraflið og fylla almennilega í eyðurnar... Þá er bara hefja hina alræmdu leit að góðum skilríkjum því það er ekkert að ganga hjá mér að vera inná stöðunum, er svo andskoti unglegur eitthvað.
Mæli með að fólk líti á hinn ógurlega link á myndasíðuna miklu sem ég bjó til í dag inná milli þess að læra undir þetta blessaða NATpróf...
sunnudagur, maí 11, 2003
Enn einu sinni\\\
Uppákoma Hins íslenska Hringdansflokks, Skilríkjaeltingaleikur okkar Helgu systur, hrekkurinn sem tekinn var á Þorstein Joð og margt annað sem ég man ekki núna í augnablikinu upplifði ég í kvöld. Já þetta var sko fjör og það í lagi ! Leyfum myndinni að tala sínu máli...
laugardagur, maí 10, 2003
X-Djamm\\\
Skellti mér í fríann bjór í gærkvöldi á Hverfisbarinn, bjórinn var í boði sjálfstæðismanna og líkaði mér það vel þó var einn leiðinda hængur á, ég var á bíl og varð að láta mér nægja Framsóknarís seinna um kvöldið. En á Hverfis var fínt, sat þarna ásamt góðu fólki og lítið var talað um "hvað ætti að kjósa á morgun" því það held ég að hafi verið alveg augljóst. Kveðskaparkeppni hófst milli mín og Vals og Geir Haarde slóst í samræðurnar milli mín og Guðna enda maðurinn orðin fyllri en Ingvi (bingó bjössi) Hrafn. En kvöldið í kvöld er algerlega óráðið, væri meir en til í eitthvað húllum hæ ef það býðst...
föstudagur, maí 09, 2003
Föstudagsferskeytla\\\
Nú kosið verður morgun á,
hugur búin að gera sig upp,
köttur gleypir gorm og þá
breytist hann í Rip,Rap,Rup
...held að ég sé búin að lesa yfir mig um þessi Postmódrnísku áhrif !!
fimmtudagur, maí 08, 2003
Lærdómsmúsík\\\
Skrítið hvað góð músík gerir lærdóminn skemmtilegri, margir minidiskar hafa orðið til úr þar til gerðum playlistum inná tölvunni góðu. Hæst ber að nefna diskinn sem ég skellti í í gær, en þar eru bestu Air-diskarnir saman komnir á einn ásamt eina og langflottasta disk þeirra DustBræðra. Er ekki frá því að maður skori allavegana 1 heilann á prófinu eftir að hafa lært með eðaltóna í eyrunum nóttina áður... Hinsvegar er ég búinn að ná mér í smjörþefinn af ThinkTank, nýju plötu þeirra Blurrara. Líkar vel, smá keimur af sömu sýruáhrifum sem skullu yfir þá í Radiohead þegar þeir gáfu út meistarastykkin KID A og Amnasiac, fínt að láta Blur taka við svona þegar Radiohead dembir sér aftur í rokkið !
Minni á föstudagsferskeytluna á morgun...
Kosningar\\\
menntamálin, kvóti, lækkun skatta niður í 35%, kárahnjúkar, fjárveitingar, ríkisstyrkur, kjördæmaskipan, landsbyggðin, stórvirkjun, launamisrétti, íhald, frjálshyggja og margt fleira verð ég að fara kynna mér því á laugardaginn eru kosningar...
Ekki láta ykkur bregða, skjárinn ykkar er er í góðu ásigkomulagi...var að breyta útilinu aðeins og nú er breytingaskeið 3 loks á enda...
þriðjudagur, maí 06, 2003
sumar 2003\\\
Skrítið að ég fæ alltaf gæsahúð þegar einhver minnist á komandi sumar kannski því ég er farinn að hlakka óverulega til þess og meir en það?! Annars verður mikið um vinnu þetta sumarið, allt sett í 5gír því utanlandsferðin til Portó eða "boys goin' wild á erlendri grundu" verður tekin strax eftir Verlunnarmannahelgina, þó er aldrei að vita hvort maður skelli sér ekki í fáeinar ferðir svona útfyrir bæjarmörkin ef tími og peningar leyfa...fá aðeins kynnast landi og þjóð. Svo er spurning hvort önnur Heiðmerkurferð verði tekin eftir próf eins og gert var í hitt í fyrra að mig minnir...lukkaðist já, ágætlega... Annars hef ég fengið ýmis komment útá "myndina að ofan" og vilja sumir meina að þessi mynd ætti heima á forsíðu tímarits Samtakana78... Annars finnst mér hún meira eiga heima á forsíðu Fréttablaði Regnbogabarna, en hvað um það...hún er ekki nógu góð...vantar einhvern léttleika á hana.
En ég ítreka það enn og aftur: "ég er ekki hommi"
sunnudagur, maí 04, 2003
Breytingaskeið..taka 3\\\
Já það er gaman að segja frá því að í dag er breytingaskeið á síðunni og jafnfram það þriðja í röðinni. Fyrir þá sem ekki eru kunnir þessum bretingaskeiðum þá eru það fólgið í að breyta síðunni til þess að fylgja nýjustu tískubylgjum í bloggheimunum...því alltaf verður maður að fitta inn !! Í þessu skeiði verða breytingarnar ekki svo rótækar og þó kannske smá. Smellti inn einni panoramamynd af mér hér að ofan því ég var byrjaður að fá hótanir frá gusgus um lögsókn...finnst hún taka sig bara ágætlega út, þó aldrei að vita hvort maður breyti aðeins litnum á henni en meira um það seinna...!
Já góðir hálsar, nú er algerlega frír aðgangur á síðuna. Ykkur er velkomið að eyða miklum eins miklum tíma og þið viljið í að skoða herlegheitin...
föstudagur, maí 02, 2003
Tjah, nee...\\\
Ósköp lítið að gerast þessa dagana, lærdómur á lærdóm ofan og allir bíða eftirvæntingafullir eftir próflokum. Held barasta að ég skelli fram einni vísu hérna enda ansi langt síðan ég hef smellt einni stöku hér á síðuna...
Að læra svona lon og don,
og falla í öllu saman,
ég bíð eftir balli sem nefnist pron,
en hvenær kemur daman...!?
P.S. á morgun verður eitthvað um breytingar...fylgist með...