sunnudagur, júní 11, 2006
Töffarinn hann pabbi\\\
Pabbi verður fimmtugur þann 25. júní og er verið að plana þvílíka veislu um þessar mundir.
laugardagur, júní 10, 2006
Það er byrjað!!\\\
Gerðum allt klárt í fyrradag, heljarinnar gaman og flott grill um kvöldið og gamli góði Laugarlandsfílingurinn lét ekki á sér standa. Tók dágóðan slatta af myndum sem ég smelli á myndasíðuna á næstunni.
Eftir að við sögðum þetta gott af Laugalandi og undirbúning í gær brunuðum við suður, þegar við vorum nýkomin í bæinn bjallaði Gunniol og Eyrún í mig og buðu okkur austur á Laugavatn í grill og heitan pott. Við létum slag standa, snérum við, komum við í Nóatúni, keyptum á grillið og spíttuðum á Laugavatn.
Rólegheitastemmning með vodkabollu og súkkulaðibanana ofan í potti.
Sváfum til hádegis, keyrðum Lyngdalsheiðina á Þingvelli og þaðan vestur í Kjós þar sem við færðum Maríu Tengdamömmu afmælisgjöf og borðuðum vöfflur. Brunuðum í bæinn og erum svo að fara passa 20 börn í brúðkaupi í Iðnó í kvöld.
Gaman Gaman !
fimmtudagur, júní 08, 2006
planlægge\\\
Það er komið að því ! Við höldum austur til Laugalands kl 0830 í fyrramálið. Spennan er byrjuð að gera talsvert vart við sig. Við eigum þó alveg eftir að pakka og gera klárt, þó liggur svo ekkert mikið á því eins og er. Á morgun sem og föstudag verðum við einungis í því að standsetja pleisið.
Þið þurfið þó ekki að hafa áhyggjur, því ég ætla mér að vera skrambi duglegur við að pósta póstum og myndum á veraldavefinn í þessar sex vikur.
þriðjudagur, júní 06, 2006
dugnaðarforkur\\
sunnudagur, júní 04, 2006
R.I.P.\\\
iBin hefur sungið sitt seinasta. Eins og hvað hann var búinn að standa sig vel. Gleymdist oftar en ekki út í bíl í vetur og kúrði heilu næturnar í mælaborðsstandnum sínum í 10 - 15 siga frosti. Skall á flísagólfið inni í klefa þegar við strákarnir ætluðum að hlusta á hann í gufunni í Laugalandi í fyrrasumar. Fékk stundum væga kinnhesti þegar hann byrjaði að hiksta.
Held að ég sé ekki alveg nógu tilbúinn til þess að verða pabbi strax.