þriðjudagur, ágúst 31, 2004
daddy cool\\\
Staður: Laugarásvideo
Pabbi arkar inn og er að fara skila DVDdiski, kemur að borðinu og segir:
Pabbi: Heyðu Leó (eigandi leigunnar sem afgreiðir pabba) sorrý að ég skila myndinni svona seint
Leó: Ekkert mál vinur, ég redda þessu
Pabbi: ..ahh, já og heyrðu, ég steingleymdi að spóla til baka
Leó: ehh, einmitt
Pabbi er maðurinn sem samdi brandarann um að spyrja afgreiðslufólk 1011 á sínum tíma hve lengi það sé opið hjá þeim.
mánudagur, ágúst 30, 2004
Republish\\\
Þarf að republish-a til þess að fá statusbar-inn hér að ofan til þess að verða brúnan.
Eins og mamma segir; ,,maður verður að vera í "shatteringu""
fimmtudagur, ágúst 26, 2004
Hopp og Hí, gaman, gaman\\\
Held að ég hafi aldrei upplifað eins mikla þreytu og þegar ég mætti þýskutíma kl. 0820 í morgun.
Búinn að vera hálfsloj í allan dag, þarf svo að mæta í vinnunna á slaginu 17 á eftir.
Svo er bara að strauja partybúninginn strax eftir vinnu því í kvöld er fyrsta bjórkvöld annarinnar. Efast samt um að það verði einhver dúndrandi stemmning svo maður reynir bara að gera eitthvað gott úr þessu.
þriðjudagur, ágúst 24, 2004
Singapore\\\
Komst loksins yfir nýju Singapore Sling plötuna, búinn að hlusta eilítið á hana og er ekki alveg nógu ánægður. Fílaði The Curse of Singapore Sling mun mun betur, þó er aldrei að vita, kannske þarfnast hún bara meiri hlustunar.
Mysingur\\\
Leið eins og gamalli ekkju í gærmorgun þegar ég gekk áleiðis í skólann, ég og Gummi höfum alltaf verið samferða síðan í grunnskóla, þ.e. í c.a. 12 ár eða svo.
Man að ég reiknaði einhverntíma hversu mikið við höfðum gengið, man allavegana að kílómetrarnir skiptu þúsundum.
Ætli ég væri eitthvað mikið feitari í dag hefði mér alltaf verið skutlað í skólann ?
mánudagur, ágúst 23, 2004
WINAMP\\\
Stóð ásamt GummaPáls á Arnarhóli og horfði á flugeldasýninguna á menninganótt, fyrir aftan okkur stóðu 4 furðufuglar sem ég myndi auðveldlega getað flokkað sem soddan tölvunörda, þegar leið á flugeldasýninguna heyrði ég aðal liðsmann þeirra segja í neikvæðum og heldur plébbalegum tón: ,,hef nú séð það flottara í WinAmp"
...og við Gummi hlógum hátt.
laugardagur, ágúst 21, 2004
hlæ hlæ hlæ\\\
...hef alltaf verið viss um að sé ekki hægt að míga í sig úr hlátri.
gaybar ! gaybar !\\\
Að ganga inn á hommabar er heldur skrítið, að ganga inn á hommabar sem frændi manns stundar allar helgar og þið eruð heldur líkir er mjög skrítið.
Lenti í þessum aðstæðum í gærnótt er við súsanna litum við á Jóni Forseta eftir að við týndum GunnaOl, frekar óþægilegt að vera kallaður Valli af öllum á staðnum og vera knúsaður og kysstur af öllum hommunum.
Annars var kvöldið gott í heildina litið, vonandi að kvöldið í kvöld verði magnað, heyrði reyndar útundan mér að endurfundir Gullnasafélagsins séu að verða að veruleika svo það er um að gera að brýna nasirnar.
fimmtudagur, ágúst 19, 2004
skyggni: ágætt\\\
Er að fara út til Rica í Lettlandi þann 6. !
Pabbi þarf að mæta á fund hjá skiltagerðafyrirtæki þarna úti og ég fæ að fljóta með. Tökum millilendingu á Kastrup og fáum að stoppa þar í 8 - 9 tíma í bakaleiðinni.
Hlakka til að taka kast á Strikinu.
Fékk símtal frá Bandaríkjafaranum í gær, honum heilsaðist vel og hafði það gott í Wasington, þar sem ég er ekki með símanr. hjá þeim skötuhjúum úti og msn-ið mitt er í hakki þá gat ég ekki náð í stundatöfluna þína óli, eflaust e-ar ógreiddar skuldir. Þú ert þó ennþá skráður í skólann, reddar þessu bara á mánud. ("úff hvað ég elska þessa bloggtækni)
Sá um að dreifa stundatöflum í gær, við Elvar og Daði héldum allir á kaffibolla merktan Reykjavíkurborg í annari meðan við réttum nýnemum stundatöflurnar sínar, eftir létt spjall við hvern og einn enduðum við á að bjóða þeim velkomin í skólann og við hlökkuðum til að kenna þeim ensku því við yrðum umsjónakennararnir þeirra.
Að lokum langar mig að útnefna Berglindi Rafns mann mánaðarins hér á síðunni fyrir að bjarga uppáhaldsjakkanum mínum um daginn eftir að ég hafði gleymt honum í partyi í Fossvoginum seinustu helgi.
mánudagur, ágúst 16, 2004
...it's hot!!\\\
Í spilaranum
Fyrir svefninn
Í bílnum
msn.. netruglingur\\\
Tölvan mín er með uppsteit þessa dagana, vill meina að ég hafi stimplað vitlaust password þegar ég reyni að tengjast msninu mínu. Hún vill heldur ekki hleypa mér inn á heimabankann minn hvað þá að ég megi skoða emailinn minn.
Hef hatað tölvuna mína frá upphafi, eintómt vesen. Held reyndar að ég hafi aldrei heyrt neinn talað um hve góð tölvan sín sé, eingöngu kvart.
Hata það lika að ég hef aldrei kynnst neinum sem kann allt á tölvur, einhvern sem ég gæti hringt í, hann/hún komið yfir og komið hlutunum í lag.
Hvort ætli það sé betra að synda í sundbúning eða sundbuxum ? Ætla mér að skrifa ritgerð um spillingarmál Ólympíusambandsins á næstu önn, þarf að taka söguáfanga í annað skiptið, held að ég slái þessu bara upp í kæruleysi og hafi gaman að þessu.
Einn vinnudagur eftir svo byrjar ballið !
laugardagur, ágúst 14, 2004
Helv...\\\
Þetta nýja system hjá þeim í blogspot er glatað !
Ætlaði núna að posta mynd í þessa færslu en nei, verð að dánlóda e-u forriti og ég veit ekki hvað og hvað ?
Vil fá það Gamla góða aftur !
föstudagur, ágúst 13, 2004
lag fundið !\\\
Loksins get ég byrjað að posta aftur, fann þetta blessaða lag eftir mikla leit (þ.e. lagið sem ég óskaði eftir í færslunni hér að neðan). Um er að ræða lagið Too Young með hljómsveitinni Phoenix, dúndur gott lag. Hlakka oft til þess að koma heim úr vinnunni eingöngu til þess að getað skellt því undir fóninn og hækkað í botn.
Kjallarinn er breyttur, reif niður gamla skápa og þvíumlíkt drasl. Núna hef ég rúmlega 15 fermetra til uppfyllingar. Synd að útsalan í IKEA sé búin.
Í kvöld er ætlunin að sletta eilítið úr klaufunum, er samt hálfsmeykur við vegna dagsetningarinnar, fös. 13.
Undanfarnar helgar höfum við feðgarnir laggt í svokallaða "spark í dekk túra." Er harðákveðinn að festa kaup á drossíu í byrjun haustsins. Þónokkrir eru í sigtinu en ég á eftir að skoða þetta nánar eftir að sumarvinnan tekur enda.
Síðasti dagurinn er á þriðjudaginn í næstu viku, get einfaldlega ekki beðið eftir að segja þetta gott og byrja í skólanum. Vakna kl. 8 - 9 á morgnana, koma heim 3 - 4 á daginn og getað laggt sig.
ÓliJ skellti sér út í dag, er eflaust lentur núna helvískur. Gaman þegar hann kemur heim, verð þá nokkrum pólobolum og kannski úri ríkari. Dísa Vals skrapp einnig út í vikunni, Costa Del Sol er víst staðurinn, vonandi maður fái eitt póstkort eða svo.
P.S. Takk kærlega fyrir póstkortið Guðni minn ef þú sérð þetta, afar heillandi. Spurning hvort ég skanni það ekki inn við tækifæri.