Hröð skipti
föstudagur, maí 30, 2008
Lenti í gær rúmri klukkustund eftir skjálftann eftir hreint út sagt yndislega en jafnframt erfiða vinnuferð. Kom heim og rotaðist nánast samstundis í örmum Bjargar.
Erum svo með allar vélar í gangi svo fötin verði sæmilega hrein í ferðalagi okkar um Toscana héraðið sem við leggjum af stað í í fyrramálið.
Senere
Afleitt
þriðjudagur, maí 20, 2008
Jæja..
Hef þetta stutt þar sem ritstífla hefur fest sér rætur hjá mér.
Fer út á aðfaranótt fimmtudags með vinnunni þar sem ég verð með 4 starfsmönnum og 6 skjólstæðingum af sambýlinu í sólinni á Portúgal í viku. Kem svo heim í einn dag, 29. maí og verð svo farinn aftur í loftið ásamt minni heitt elskuðu og tengdaforeldrum á leið til Ítalíu, eða Toscana í vikulanga gönguferð.
Svo það verður nóg að gera næstu tvær vikurnar eða svo.
Aldrei að vita hvort það fá að detta inn myndir með hjálp símans að utan.
Evróvíssjón
sunnudagur, maí 11, 2008
Er ekkert smá ánægður með að frakkar ætli að senda út Sébastien Tellier. Hef verið aðdáandi frá því að ég komst yfir sándtrakkið úr Lost in Translation.
Las það einhversstaðar að þetta væri mjög umdeilt í Frakklandi þar sem hann syngur á ensku. En lagið er bara fáranlega gott og ekki skemmir fyrir bráðskemmtilegt myndband.
Mæli einnig með laginu La Ritournelle
Afbragð
miðvikudagur, maí 07, 2008
Byrjuðum að undirbúa matseldina fyrir kvöldmatinn upp úr 16 í dag þar sem það þurfti að koma við hér og þar til að finna rétta hráefnið auk þess að koma við í Máli og Menningu að kaupa eina kennslubók sem við höfum lengi haft augastað á.
Komum svo hingað heim og bjuggum til besta mat sem ég veit um.
Tilfinningin við það að kunna búa til sushi heima hjá sér finnst mér ekki ósvipað tilfinningunni og þegar ég plataði mömmu og pabba til þess að fá sér Soda Stream tæki. Sem var svo örugglega ekki ósvipað og að komast að því að úr öllum krönum heimilisins fari að renna Dr. Pepper.
Nördalega smart
mánudagur, maí 05, 2008
Yfirleitt þoli ég ekki boli sem eiga að koma til skila einhverjum „fyndnum" skilaboðum s.s. „I'm with stupid" eða einhverju álíka en í dag varð breyting á eftir að ég rakst á þessa boli:
Garden Party
laugardagur, maí 03, 2008
Inni í ískáp bíður mín þessi sjón enda erum við á leiðinni í afmæli Söndru hans Óla í kvöld.
Alltof langt síðan ég hef teigað tvo eða þrjá.
Til Árna
föstudagur, maí 02, 2008
Árni, ég er hér. Var kominn með svaðalegan móral yfir þessu öllu saman. Málið var að ég ætlaði að reyna að svíkja lit með því að færa mig yfir á wordpress og nýta mér heimasvæðið í skólanum. En eftir mikið fikt og nokkrar vökunætur í lestri á php og wordpress leiðbeiningum komst ég að því að heimasvæðið í skólanum styður ekki php svo vantar mig hýsingu fyrir database. Svo það þarf að bíða betri tíma.
En hér er ég kominn aftur og back in business.
Ein færsla á dag og ekkert gefið eftir !!
Takk fyrir rassasparkið Árni, ómetanlegur stuðningur hér í bloggheimum.
