Hjólandi kreppa
mánudagur, mars 31, 2008
Er búinn að eyða seinustu 2 vikum í það að skrifa ritgerð fyrir einn áfanga sem ég skilaði svo á föstudaginn og 5 tíma með aðra (jafnlanga) sem ég skilaði í gær.
Verður gaman að sjá útkomuna úr því.
Svo er bara að hella sér í læridóm þar sem fyrsta prófið mitt er eftir rúma viku.
En sama hvernig fer þá er ég amk orðinn algjör sérfræðignur í APA staðli.
Er annars kominn alfarið á hjólið vegna sífelldra bensínhækkana og kom þess vegna í óttalegu svitakófi hingað út í skóla í dag.
Held að ég sé dottin úr æfingu..
Lessalsatferlisfræði
föstudagur, mars 28, 2008
Þessi lessalur sem ég eyði flest öllum stundum inn í ásamt rúmum 200 fleiri er örugglega besta efni sem hægt er að fá til þess að nota í lokaritgerð eða atferlisrannsókn.
Mér er minnisstætt eina nóttina þegar salurinn var nærrum því fullur af fólki og einhverri stúlku bregður svona fáranlega þegar vinkona hennar bankar í bakið á henni til þess að fá lánaðar glósur.
Salurinn tekur við sér, allir standa upp og líta í áttina að henni, horfa svo á hvorn annan en enginn segir neitt.
Alveg eins og áðan þegar vöruflutningabílstjórar keyrðu hérna fram hjá flautandi, þá stendur fólk upp, kíkir á gluggann og horfir á hvort annað án þess að segja neitt.
Myndir frá Páskaferð
Hér eru myndir frá páskaferðinni sem við héldum í á föstudaginn var.
Hlaðin batterí
þriðjudagur, mars 25, 2008
Skelltum okkur norður á föstudagsmorgun eftir að hafa komið við í Stigahlíðinni í morgunverðarhlaðborði hjá Maríu og Þór.
Vorum komin uppúr 14 til Siglufjarðar þar sem var tekið á móti okkur með freyðivín og svo eldað svín.
Áttum meiriháttar góðan dag með mömmu og pabba í ömmuhúsi.
Brunuðum svo yfir Lágheiðina með Patrolinn fyrir framan okkur svona til öryggis.
Ókum svo frá Ólafsfirði til Húsavíkur og vorum komin til Bibbu ömmu upp úr 17. Földum þá snöggvast páskaeggin og spiluðum skrabbl alla helgina auk þess að gera sem minnst.
Svo það má með sanni segja að batteríin séu hlaðin og vel það og maður er ansi vel settur andlega fyrir komandi prófavertíð.
Myndir detta inn von bráðar..
Djammleiðis
fimmtudagur, mars 20, 2008
Þar sem ég er hættur að fá mér í tánna hef ég hér með ákveðið að birta albúm seinustu tveggja/þriggja djamma.
Það fyrsta er gamalt eða frá því 3. nóvember 2007 þegar við félagarnir hittumst á Vegamótum, pöntuðum okkur mat en aldrei bólaði á honum, þjónustan í kringum borðið okkar fór gjörsamlega úr skorðum og allt endaði þetta á því að rekstrarstjóri staðarins greip inn í og bauð okkur upp á allt það sem staðurinn bauð upp á. Sjaldan lent í öðru eins. Þær myndir er hægt að nálgast hér..
Annað í röðinni var ósköp penn vínardansleikur sem var á árshátíð tónlistadeildar LHÍ sem var haldin 2. febrúar síðastliðinn sem endaði þó á því að mér tókst að rífa buxurnar mínar og Björgu að hrufla á sér löppina þegar við vorum að leita að partyi sem okkur hafði verið boðið í. Það er hægt að nálgast hér..
OG þriðja og síðasta sem sló botninn í þetta allt saman var innflutningspartýið heima hjá GummaPáls, en þá samkundu var búið að hype-a alltof mikið og einhverjir stóðu að því að versla aðeins Vodka og Magic í það geim sem fór ansi illa í landann enda endaði þetta allt saman á því að baðherbergisinnréttinginn hjá Gumma greyinu, í nýju íbúðinni, hrundi eftir að tveir menn studdu sér/sátu við hana. En þær myndir er hægt að sjá hér..
Tileinkað Óla
laugardagur, mars 08, 2008
Ég er bara ekki frá því að ég gæti tekið suma í nefið eftir að hafa skoðað summary-ið yfir hlaupið sem ég hljóp kl. 09 í morgun !
Sushi+Bjór
föstudagur, mars 07, 2008
Er búinn að vera skvera allt til heima við seinnipartinn í dag og dauðlangar í Sushi og bjór eftir allt erfiðið. Erum að tala um að ég handþvoði meira að segja koddana okkar.
Gekk þó ekki eins langt og neminn sem þreif inni hjá Seinfeld í samnefnum þáttum sem þreif svo vel að hann skrúbbaði meira að segja lokin á þvottaefnisbrúsunum.
Jæja, þá er bara að koma sér í gallann þar sem við eigum stefnumót við Óla og Söndru í kvöld.
Hggonda
fimmtudagur, mars 06, 2008
Hugsa að þetta sé flottasta bílaauglýsing sem ég hef séð til þessa.
Alltaf á bremsunni
miðvikudagur, mars 05, 2008
Tókst það ómögulega í gær (með dyggri hjálp föður míns auðvitað) að skipta um bremsur á Renault - inum mínum.
Gekk hálfbrösulega til að byrja með, vissum óttalega lítið út í hvað við vorum að fara en svo fyrr en varði var ég að leggja seinasta boltann í felguna eftir að hafa komið seinna framdekkinu aftur á.
Pabbi kallinn fór svo undir hnífinn í morgun og lét fjarlægja úr sér liðþófann í hnénu svo ég er hræddur um það að við séum sannkallaðar hetjur !
