Útskrift
fimmtudagur, júní 21, 2007
Gummi mágur minn útskrifaðist með Bs. próf um daginn úr Rafmagns og Tölvuverkfræði, haldin var heljarinnar veisla í Torfufellinu en að henni lokinni hélt nánasta fjölskylda á Sjávarkjallarann í klikkaðasta kvöldverð sem ég hef upplifað.
Endilega skoða myndirnar úr veislunni !
Pólland v.s. Suður Póll
Pólskur maður sem fæddur er í Suður - Póllandi, verður væntanlega suður pólskur.
Hvað verður þá maður sem fæddur er á Suður Pólnum kallaður ?
Sjíkel
þriðjudagur, júní 19, 2007
Eftir örskamma stund fer ég að versla mér eitt stk svona !
Þá er bara að gera hjálminn klárann, hlaða ipod - inn og setja á sig endurskin.
Sjáumst eftir svolítið langan tíma, á eftir að verða háður.
It's on !!
sunnudagur, júní 17, 2007
Og við fengum íbúð !
Fengum tölvupóst þess leiðis á miðvikudaginn var um að okkur stæði til boða tvær íbúðir sem við fengum úthlutaðar hjá BÍSN. Önnur er í Bólstaðahlíð, en hin í Skipholti. Eftir stuttan umhugsunarfrest varð Skipholtið fyrir valinu, tveggja herbergja íbúð á fjórðu hæð og ekki nema rúmlega 2 ára gömul.
Svo við erum í skýjunum þessa dagana og erum meir að segja byrjuð að sortera. Þ.e. hvað skal taka með o.s.f.v. Svolítið þægilegt að fara upp úr kjallaraholunni, 15 m frá Kringlumýrabraut upp á 4. hæð í Skipholtinu.
DSC00074
Café de laute
mánudagur, júní 04, 2007
Var um borð í sendibíl í allan dag, sem þýðir mikil bið en góðir túrar þess á milli. Í biðinni sem skapast á milli túranna er ekkert annað að gera en að fá sér kaffisopa.
Og þar sem biðirnar voru ansi margar, skelf ég og er með dúndrandi hausverk.
(og nú er ég búinn að beygja orðið "bið" í öllum kynjum)
Note to self:
sunnudagur, júní 03, 2007
Að fá höfundarréttinn að "For Dummies" seríunni, sem gefnar væru út á íslensku og láta fyrstu bókina heita : "Kvótakerfi fyrir fávita"
Í kjölfarið gætu bækurnar "Baugsmálið fyrir fávita" og "Íslensk glíma fyrir fávita" komið út.