Mikið svakalega er gaman að þessu
fimmtudagur, maí 31, 2007
Mikið svakalega getur það verið frústrerandi að fá að heyra það að maður fái ekki útborgað fyrr en þarnæstu mánaðamót.
Og já, mig sárvantar helgarvinnu í sumar, helst skúringavinnu samt. Alltaf langað að vinna við slíkt, getað verið í því með skóla.
Fáðu þér smók og sopa af...
miðvikudagur, maí 30, 2007
Það er orðinn heldur fastur liður hjá mér, amk í þessari viku að skella mér inn á kaffihús með tölvuna mína eftir vinnu og bíða eftir að Björg klári söngæfingu niður í Lhí, rétt eins og ég er að gera núna, og yfirleitt fæ ég mér sæti í reyklausa hornið og horfi á fólkið andspænis mér í reyknum.
En einhvernveginn geri ég mér enga grein fyrir því að á ekki á morgun heldur hinn eigum við eftir að verða vitni að gígatískum breytingum, það liggur við að ég skelli mér í bæinn um helgina eingöngu til þess að sjá hvort fólk standi eitthvað við þetta, eða virði þessi nýju lög.
SpeNandi !
Og það er gaamaan
þriðjudagur, maí 29, 2007
Nú er ansi glatt á hjalla heima í Torfufellinu, pabbi fékk kaupæði í BNA og gerði sér lítið fyrir og verslaði eitt stk Canon EOS 30D og Airport Express og iPod fyrir mig. Mikið gaman, mikið grín !
Skellti mér ásamt fjölskyldu í fermingu Sindra frænda á Siglufjörð, en auðvitað varð maður að láta sjá sig í Suðurgötu 47 fyrir veisluna og smella einum á þá Gömlu, en þar lenti maður að sjálfsögðu í soðbrauði og með ' í. Svo maður var heldur þungur eftir veisluna.
Allinn var svo sóttur heim þar sem ég stóðst ekki mátið og splæsti í Hot Shot handa okkur Vilborgu frænku, enda hefð fyrir því þegar gengið er inn á Allann. Fékk svo draum minn uppfylltan þegar mér var boðið í ekta siglfirskt party, sem var kannski ekki eins skemmtilegt og ég hafði ímyndað mér.
þriðjudagur, maí 22, 2007
Og hvað !?
Haldið þið ekki bara að mér hafi áskotnast ein slík ??
mánudagur, maí 21, 2007
Perrandi
Hversu fúllt er það að koma heim með pítsu sem keypt var dýrum dómi á einhverjum ómerkilegum stað, kveikja á sjónvarpinu og það fyrsta sem blasir við manni er að það er Megavika á Dominos ?!
Vinnudagur # 1
Held að ég hafi aldrei byrjað fyrsta dag sumarvinnu á því að þurfa byrja á að skafa af bílnum áður en lagt er af stað. Einstaklega þungfært hér í Breiðholtinu, enda var fólk úr t.d. Vesturbænum eða Hlíðunum ekki að kannast við þetta þegar maður byrjaði að kvarta í morgun.
Annars var þessi fyrsti vinnudagur þó nokkuð fínn, fer rólega af stað en okkur gefst þess í stað góður tími í að kynnast. Svo er alveg guðdómlegt að vera búinn kl 1530 á daginn og vera í fríi um helgar, enda er stefnan tekin á að skella sér norður á Siglufjörð á föstudaginn.
Það er augljóst mál að innkoma mín í bloggið á nýjan leik er eftirtektarverð enda hafa þeir á Fasteignablaði Fréttablaðsins ákveðið barasta að skella villunni á Breiðagerði í Vatnsleysustrandarhreppi á forsíðu þess í dag. Ekki amalegt það !
sunnudagur, maí 20, 2007
Taka 3
Byrja að vinna hjá Hinu Húsinu á morgun og líst virkilega vel á, enda um nýtt project að ræða svo við verðum mikið í allskyns hugmyndavinnu meðfram.
Björg kom svo heim frá Kóngsins í gær eftir viku bjórþamb og skemmtilegheit ásamt Ragnheiði vinkonu, svo dagurinn í dag byrjaði á beikoni, eggjum og kaffi við rúmstokkinn, planið er svo að skella sér í ágæts rúnt út fyrir bæjarmörkin, og e.t.v. að líta á "hús" við rákumst á í Fasteignablaði Fréttablaðsins í morgun og skelltum vel upp úr, Já, sjón er sögu ríkari !
laugardagur, maí 19, 2007
Eru ekki allir í stuði ??
Er þetta annars ekki að funkera ??
Látum á það reyna :D