þriðjudagur, júlí 29, 2003
Alboom\\\
Undanfarið hefur albúmið legið í dvala um alllangt skeið, var ansi duglegur við að uppfæra það hérna áður fyrr en nú verður breyting á. Nýr myndaflokkur hefur göngu sína þar sem kallast "frá sjónarhorni símans" en það eru frekar lo-resmyndir sem ég hef tekið með símanum mínum síðan ég fékk mér gripinn. Flest allar myndirnar sem eru þarna tók ég í afmæli Elvars um helgina enda margt fyrir linsuna á þeim bænum.
...7 dagar í brottför
laugardagur, júlí 26, 2003
Tilfinningin er góð\\\
Fann fyrir því fyrst í gær hversu stutt er í ferðina þegar mamma byrjaði að strauja boli og stuttbuxur og setja ofan í tösku. Já tilfinningin er góð þessa dagana. Allt klappað og klárt, allir með passana sína og öll vesen búin þrátt fyrir að hafa ekki verið mörg. Annars er afmæli í kvöld en átakanleg vinna í fyrramálið svo bjórþamb þýðir lítið...
...10 dagar í brottför
miðvikudagur, júlí 23, 2003
undirheimarpunkturissahh\\\
Fékk það skemmtilega embætti áðan að sjá um nemendafélagssíðu FB, Stella hringdi í mig áðan og tjekkaði á stöðunni og ég var meir en til. Eflaust ekki mikið verk að halda uppi undirheimum.is en samt sem áður krefjandi. Næsta önn tekin með trukki, formaður vídjó auk þess að sjá um síðu nemendafélagsins... jahérna hér !
Bloggleysi\\\
Aðdáendabréfum hefur farið fækkandi og heimsóknum einnig, eflaust útaf því að bloggleysi hefur ríkt hér í c.a. viku og held ég að ég gæti lýst þessari viku í einni setningu eða svo. Helgin var látlaus, var fyrsti þáttakandinn í Heimsóknaleik þeirra Guðna og Elvars og hafði mikið gaman af því þrátt fyrir að þeir trufluðu áhorf mitt á skemmtilegri gamanmynd. Dagarnir eru annars bara búnir að ganga í ósköp leiðinlegri rútínu, fara í vinnuna, glápa á almanakið, telja niður dagana og hjóla Ellliðarárdalinn.
...reyni að hafa næstu viku áhugaverðri áskrifendur góðir
fimmtudagur, júlí 17, 2003
...still counting\\\
...19 dagar í brottför
P.S. heyrði eitthvað um að ennfleiri ætluðu með í för...
mánudagur, júlí 14, 2003
SpecialReport\\\
Ekki nóg með að Hannes bættist í Portúgalshópinn á sínum tíma heldur hafa tvær stelpur ákveðið að elta okkur einnig. Þetta er orkuboltarnir Heiða og Hugga eða Hörðu Háin eins og þær vilja láta kalla sig. Annars er gaman að segja frá því að í kvöld fæ ég loksins vídjóbúnaðinn eftir langa bið og getum við þá byrjað að skjóta upphafstrailer o.fl. DavíðVals ætlar að vera okkur innan handar og sjá um klippingar og aðra eins vinnslu.
...22 dagar í brottför
laugardagur, júlí 12, 2003
Harðneskja\\\
Nú er þessi "umtalaði" dagur runnin upp og við "góðar undirtektir" ! Aðeins Guðni skildi eftir nafn sitt í kommentakerfið hér að neðan og er það fínt. Iródin bætist í hópinn og jafnvel Nesið en allavegana er ferðinni fyrst heitið til Vals í N5 eins og sumir vilja kalla þetta og erum við svo allir komnir á gestalista á tónleika sem verða á Vídalín... ekki er ég viss um hvað sé í gangi þar en eitthvað heyrði ég minnst á Fræbblana og er það bara enn betra.
...en bjórinn bíður og mannskapurinn með svo ég legg í'ann
föstudagur, júlí 11, 2003
Harður Laugardagur\\\
Þurrneskja í dag en Blautsemi á morgun ! Nýr hátíðadagur verður til, dagurinn verður haldinn hátíðlegur í hverjum mánuði í framtíðinni og nefnist því harkalega nafni "Harður Laugardagur". Drykkjufélagi minn hann Guðni kom með hugmyndina en ég nafnið og verður fyrsti hátíðsdagurinn prufukeyrður á morgun. Öllum er frjálst að vera með, aðeins þarf að hafa samband við okkur eða einfaldlega að skilja eftir nafn í kommentakerfi síðunnar.
Óþarfi að vera feimin krakkar, núna er tækifærið...
...26 dagar í brottför
mánudagur, júlí 07, 2003
...and counting\\\
...29 dagar í brottför
sunnudagur, júlí 06, 2003
Gúrka\\\
Þvílík og önnur eins gúrkutíð... Fréttirnar áðan voru hlægilegar og Kastljósið sorglegt en þar var verið að sjónvarpa frá einhverjum stofutónleikum í Árbæjarsafni. Óttalega lítið að gerast á þessu vesæla landi okkar, vantar eitthvað katsí hérna og hana nú !
Öll fjölskylda mín kom saman útá pall kl. 0030 eða svo á aðfaranótt laugardags, söng og lét öllum illum látum og létu "blokkarana" hafa það óþvegið því verið var að fagna 30ára afmæli ástkærrar systur minnar. Nýji síminn minn kom að góðum notum og smellti ég af þónokkuð mörgum myndum.
Þrír diskar bættust í safnið hjá mér áðan, fyrst má nefna The Freeweelin' með BobDylan, í öðru lagi má nefna Bestofdiskinn Permanent með Joy Division og í þriðja og seinasta lagi má nefna Violator með Modaranum. Allt hörkugóðir diskar sem ég ætla að njóta þess að melta í sumar.
fimmtudagur, júlí 03, 2003
mms\\\
Aldeilis skemmtilegur vinnudagur í dag, GunniOl mætti með símann sinn einstaka og var hann notaður þar til batteríin urðu algerlega tóm. Myndir voru teknar á fullu spani og er mér aldeilis byrjað að kítla í fingurna, langar helst í T610 en held bara að ég endi á að fá mér T68i enda alveg nógu flottur.
miðvikudagur, júlí 02, 2003
Sumarkaupseyðsla\\\
Eyddi helming launa minna í dag, búnað redda ferðinni og dressa mig aðeins upp. Plataði GunnaOl til að kaupa sér síma ásamt myndavél svo ég býst við að ég eigi eftir að eigna mér hann eftir fáeina daga... Myndalegur sími og tveir bíómiðar í kaupæti, ekki amalegt það ! En í ferðina styttist óðum og vil ég óska þeim Droplaugastöllum góðrar ferðar í nótt eða fyrramálið.
...35 dagar í brottför
þriðjudagur, júlí 01, 2003
Leifi segir:\\\
Það er komið á hreint, Leifi í Leifasjoppu er með þvílíka markaðsfræðinga á bakvið sig ! Veltist um af hlátri þegar ég gekk fram hjá nýju skilti sem kallinn hefur smellt upp um helgina en þar stendur ,,Leifi segir: allir dagar eru nammidagar og plíís, ekki krota á veggin.'' Með þessu er Leifi kominn í lið með krökkunum sem augljóslega vilja hafa alla daga nammidaga, þvílík útsjónarsemi. Nú er bara að bíða eftir sjónvarpsauglýsingunum frá honum...
"hey þú !! Fáðu þér nammi... allir dagar eru nammidagar og plííss, ekki krota á veggin"
...36 dagar í brottför