sunnudagur, júní 29, 2003
Fimbi\\\
Spilakvöld í kjallaranum í gær, náði loksins að endurheimta Fimbulfambið mitt úr höndum Vals eða öllu heldur Heiðu í gærkvöldi. Held að þetta sé skemmtilegasta spil sem ég hef spilað þó ég kunni ekki að spila mörg. Eyddum drjúgum tíma í spilið í gærkvöldi, mikið gaman og mikið grín og ætla ég að heyja aðra orrustu í kvöld... nú er komin tími á að einhver annar bjóði út húsakyni sín því kjallarinn er aftur orðinn skítugur vegna vanvirðingu vina minna fyrir hreinlæti mínu.
...38 dagar í brottför
laugardagur, júní 28, 2003
ProgressCheck\\\
Á morgun rennur upp stór stund sem ég hef lengi beðið eftir eða einkaflugmannsprógresstjekk þar sem ákvörðun varður tekin um hvort ég fái að þreyta verklegt próf hjá Flugmálastjórn eður ei. Mikill undirbúningur búinn að vera í dag og verð ég eitthvað í þessu á morgun. Sé fram á að verða einkaflugmaður í miðjum næsta mánuði...
...afgreiði netflugin í þeirri röð sem þau berast
...39 dagar í brottför
föstudagur, júní 27, 2003
Áætlun í lagi\\\
Var að koma úr þessari svakalegu grillveislu í Unufellinu þar sem Feðgakvöld var haldið. Feðgarnir Óli, Halli, FannarFreyr og Nonni voru svo indælir að bjóða mér, Halli var aðalkokkur og stóð við grillið, ber að ofan með Fannar í annarri og grilltöngina í hinni. Óli hafði þó gert sér lítið fyrir og stolið BBQ-hamborgarauppskriftinni af pabba eftir eitt feðgakvöldið sem haldið var hér í Torfufellinu en þetta var þó assgoddi gott hjá honum. Bjórkippan bíður ísköld í kælinum og sé ég fram á eitthvað skrall...
Brrrr... mikið rosalega kann ég vel við árstíðina sumar.
Niðurtalning hafin\\\
Nú er kominn tími á að telja niður...
...40 dagar í brottför
fimmtudagur, júní 26, 2003
ÓJÁÁÁ\\\
Kem heim eftir meiriháttar bras útá smurstöð, kveiki á sjónvarpinu og viti menn, er ekki bara verið að endursýna fyrsta Seinfeldþáttinn úr fyrstu seríríunni. Mikið rosalega kann ég vel við að þeir séu byrjaðir að rerun-a þessa þætti, horfði á flest alla þættina í fyrri endursýningu en núna held ég að sé kominn tími á að fara taka þetta upp !
Óóójá.. nú fer að reyna á vídjótækið
miðvikudagur, júní 25, 2003
jammerí og bong bong\\\
Jæja, þá var ég að enda við að tala við tannlækninn sem ætlar að rífa úr mér endajaxlana og seinka tímanum mínum sem átti að vera föstd. 13. því þá ætlar Binninn að hafa það ansi gaman get ég sagt ykkur...!
mánudagur, júní 23, 2003
út út út\\\
Tilhlökkunin er í algleymingi þessa dagana og verið er að vinna að nýju layouti fyrir síðuna svona áður en haldið verður út. Logoið er allavegana tilbúið, en bakrunnurinn hefur verið að stríða mér eitthvað.
...þá er bara að telja niður
laugardagur, júní 21, 2003
Vaktadrasl\\\
Alveg óþolandi að vinna í svona vaktavinnu, núna er laugardagur og mér líður eins og það sé þriðjudagur... Einhverjar hugmyndir um bjórdrykkju í kvöld en nei, ég er bara ekki í rétta gírnum einhvernveginn og þó held ég að ég láti mig nú hafa það að fá mér nokkra. Verð bara að pumpa í mig stemmningu !
miðvikudagur, júní 18, 2003
Kjallaratiltekt\\\
Nú er komið að þvi, ég hef ákveðið að taka til í kjallaranum og það með stæl. Nú fer partyvertíðin að byrja og um að gera pleisið eilítið huggulegra. En já, meðan ég man þá vil ég óska Iródinni innilega til hamingju með afmælið í dag, pilturinn bara orðinn 19ára gamall og loks farinn að haga sér eins og maður.
Endilega skjótið á hann afmæliskveðjum innum lúguna á kommentakerfi síðunnar...
þriðjudagur, júní 17, 2003
June 17th.\\\
Skellti mér í smá göngutúr um bæinn áðan eins og svo margir aðrir og hafði gaman að. Stemmningin ekki alveg á heimsmælikvarða en svona nærrum því. Fólk rennandi blautt og annar hver maður talandi um hvers vegna í andskotanum þetta þyrfti alltaf að vera svona á 17.júní. Afhverju ekki bara að hafa eina laglega samkomu þar sem góða veðrið yrði hverju sinni ? Þá yrði allt mikið einfaldara held ég. Svo eru víst tónleikar í gamla góða UXAtjaldinu, alveg ótrúlegt hvað þetta blessaða tjald ætlar að endast en þrátt fyrir það held ég að maður eigi þó eftir að skella sér. Óvenju slöpp dagskrá en ekkert slor, um að gera að halda 17.júní nógu helv... hátíðlegan !
Iceland's Hottest Pop-Secret ; Leoncie will be performing live at Arnarhóli at 22.05 pm on 17th June 2003 Tuesday - Icelandic Independance Day.
mánudagur, júní 16, 2003
Húllumhæ\\\
Eins og sjá má á færslunni hér að neðan var tvímælalaust mikið fjör í kjallaranum á laugardagskvöldið. Held að ég hafi ekki tekið eins skemmtilega göngu úr Fellunum yfir í Hólana síðan ég fæddist (fæddist einmitt í Fellunum). GunniOl fór yfir um og hoppaði í hvern runnann á fætur öðrum, hann gerðist líka frakkur þegar hann bað okkur um að ýta sér á veggi og ljósastaura í Bónuskerru. Kvöldið endaði svo á bænum eftir stutt stopp hjá Elvari.
![](http://kasmir.hugi.is/kasmir/umsjon/synamynd.php3?kt=011184-2789&myndnafn=kerra.jpg)
sunnudagur, júní 15, 2003
fyller"ís"blogg\\\
Nei, við erum ekki að tala um Emmesís heædur Bloggíss !! Jíííííhaahahaha Hér eury merkir menn ! Elvar, Guðni, ÓliJohns og Gunni ol ...vópóó ég er að gleyma mér !! En já vúúhaaa !! Gaman að þessu !! Jiíííííhaaaa !! Annars lofar Guðni nýrri færslur handa aðdáendum sínum... VON BRÁÐAR !!
laugardagur, júní 14, 2003
Menningakvöld gott\\\
Í kvöld hélt menningahópurinn góði uppá kvöldið heima hjá GunnaOl, Valur mætti í þetta skiptið og ekki amalegan grip þó gátum við ekki hlustað á hans framlag því Árni gerði gott betur og mætti með glóðvogan disk Radiohead, Hail to the thief, og var diskurinn spilaður í gegn meðan rætt var um bíómyndir og þvíumlíkt... held bara að það hafi ekki getað orðið mikið menningalegra ! Héldum svo allir heim til Hlyns í mjög svo skrautlegt party.
Morgundagurinn byrjar snemma hjá Binnanum, dósatalning og áfengisferð í fyrramálið sem endar svo með léttu og laggóðu bjórþambi í kjallaranum...
föstudagur, júní 13, 2003
Sumardagskrá\\\
Horfði á tvo aðal sumarþætti Skjás Eins þ.e.a.s. Hjartslátt og Hljómsveit Íslands. Hljómsveit Íslands fannst mér öllu betri, íslenskt raunveruleikasjánvarp af bestu gerð. Sveitaballahljómsveit búin til á smá tíma, eitt lag tekið upp og hún svo látin túra um landið og tökumaður með í för. Örugglega margt sem kemur í ljós í þeim þætti, hef t.d. alltaf langað að vita hvort það séu til alvöru íslenskar grúppíur...
Hjartslátt hataði ég í fyrra sumar, einfaldlega fattaði hann ekki en sýnist þó serían í sumar eiga eftir að verða ögn fattanlegri. Skil bara ekki hvernig þáttur sem inniheldur tvær sætar stelpur sem gera ekkert annað en að hoppa um og láta asnalega getur orðið svona vinsæll.
Svo er bara bíða eftir hinum eina sanna Idol með Bubba og co. á superztöðinni Stöð2 í júlí að mig minnir...
miðvikudagur, júní 11, 2003
...LOTTÓ\\\
Aldeilis hvað maður er alltaf mikið í tískunni, fékk símtal í gær af DOGMAlagernum þar sem Guðni og Stebbi grátbáðu mig um að fá tvö stk. LottóHúfur til að halda með á Hróaskeldu eftir fáeina daga. Já, um leið og ég fer að ganga með Lottó(neta)derhúfuna mína þá verður allt vitlaust, allir vilja líkjast Binnanum og fá eitt stykki á sinn koll...!
Annars vil ég óska Dísu góðrar ferðar til Parísar og þykir mig einnig miður að hafa ekki getað mætt í kveðjupartyið í kvöld...Þórdís, Góða Ferð !
sunnudagur, júní 08, 2003
Gærkvöld\\\
Úrvalskvöld gærkvöldið, skelltum okkur nokkrir í gleðskap Árna þar sem músíkin var á heimsmælikvarða og rettur reyktar í tonnavís. Bjór var drukkinn og kvöldið svo endað í Fjölskyldugarðinum en þar var þetta svaðalega party hjá sumarfólki garðsins. Þynnkan svo eydd í dag ásamt fríðu föruneyti, eða henni Eyrúnu. Skyndibitafæði í öll mál og kaffi drukkið af alefli einkenndi daginn í dag.
laugardagur, júní 07, 2003
Kvöldið í kvöld\\\
Party hjá Árna í kvöld, á víst að vera létt og settlegt... kann vel við það. Menn vel byrgðir og allt komið á ról. Hannes verður með okkur í kvöld sem er ekki á hverjum degi sökum þess mikla félagslífs sem Verslunarskólinn hefur uppá að bjóða.
föstudagur, júní 06, 2003
Alvarlegt blogg\\\
Alltaf jafn leiðinlegt að koma heim, setjast fyrir framan tölvuna og sjá leiðinleg og neikvæð komment sem eiga ekki við nein rök að styðjast komin inní kommentakerfið manns. Þetta hefur verið að gerast undanfarið á þessari síðu minni, einhver sem skrifar ekki undir nafni og er bara með eintóm leiðindi í minn garð. Að blogga um þetta er eflaust bara olía á eldinn en ég bara verð að segja eitthvað. Ég nenni ekki að standa í svona leiðindum hérna á síðunni, alveg til í að fá leiðindakomment í gegnum Email eða á einhvern annan hátt en þessi síða vil ég að einkennist af léttleika og húmor, ekki af einhverjum ljótum skotum á mig. Mér finnst persónulega leiðinlegt að skrifa í svona alvarlegum tón en vonandi að þetta verði bara í eina skiptið.
diskó diskó\\\
Ef það er til diskókeila af hverju er þá ekki til diskóbingó ? Þetta vorum við GunniOl einmitt að velta okkur uppúr meðan við tókum smá rúnt áðan. Þetta er ekki ólíkir leikir, svona hangsleikir sem hægt er að tjúnna upp með diskóljósum og diskótónlist...!
fimmtudagur, júní 05, 2003
Portóferð, lokahnykkur\\\
Já nú er allt klappað og klárt fyrir ferðina miklu, Hannes kominn inn og þar af leiðandi allt komið á húrrandi sving...
Hópurinn eins og hann leggur sig, jamm bara nokk fríður !
miðvikudagur, júní 04, 2003
Tónlistaklúbbur taka 2\\\
Að þessu sinni létum við kjallarann eiga sig og héldum tónlistakynninguna í húsakynum Árna. Valur lék ljótan leik og skrópaði á sitt fyrsta menningakvöld en hann var þó löglega afsakaður fyrir rest. Þessar kynningar verða alltaf flottari og flottari með hverri vikunni, Árni lét tæknina ráða ríkjum og var búinn að tengja allar græjur saman svo maður gat notið tónanna til hins ýtrasta. Það má segja að kvöldið hafi einkennst af 98'stemmningu. Ég skellti þessum hér á fóninn en Árni kom svo skemmtilega á óvart með þessum hér. Kaffið var sterkt og bragðgott enda lagað hérna heima í Torfufellinu.
Úrvalskynning en Valur... þú færð -stig fyrir þetta forfall !
mánudagur, júní 02, 2003
Upplausn í lauginni\\\
Þá er "alvara lífsins" byrjuð. Ég og GunniOl saman á vakt og já getur varla verið mikið betra. Svo þið sem þekkið okkur báða getið fengið tvöfallda ánægju útúr því að koma í Breiðholtslaug, þ.e.a.s. fyrst komið að spjalli við mig inní klefa og þaðan farið útí laug og fengið að spjalla við brandarkallinn hann GunnaOl ! Annars var helgin sú fínasta, helltist óvart fullur á laugardagskvöldið niðrí bæ. Ætlaði mér a vera dræver en kraftur hópþrýstingsins getur bara verið svo agalega öflugur.