miðvikudagur, júlí 03, 2002
...þá kom Kaninn farinn kommúnistabaninn\\\
"Grunsamlegur pakki reyndist innihalda tímarit, súkkulaði og kökur" var fyrirsögn á mbl.is áðan ! Heyrði þetta líka í fréttunum í morgun að "grunsamlegur" pakki hafi fundist á pósthúsinu á hersstöðinni á Keflavíkurflugvelli, þeir ákváðu að sprengja hann þ.e.a.s. sprengja upp sprengjuna og viti menn, kökur, tímarit og logandi súkkulaði þeyttist í allar áttir ! Mjög svipaður atburður átti sér stað á Varnaliðsstöðinni fyrir fáeinum vikum síðan, en þá var síðasti skóladagurinn í grunnskóla stöðvarinnar og grunsamleg skólataska lá á skatepark-num. Kaninn rýmir húsin í nágrenninu og sprengir upp skólatöskuna og logandi skólabækur í allar áttir ! Þetta er alveg magnað ! Hver myndi vilja ógna Bandarískri herstöð á Íslandi ? Efast um að nokkur terroristi viti af þessari blessuðu herstöð, hvað þá að Ísland sé til !